Tuesday, June 24, 2008

[rooming] Cabin Announcement di Pesawat Manado Airlines ....


dapat imel dari kawanua [imel] kalo nya mangarti dodooddoe...

om kondre

Ledis en jentelmen,
Kalu rasa pidis tu mata, atau rasa bapongoh itu
talinga, isap jo itu gula2!
Baku iko deng peraturan penerbangan, sekarang ikke musti kasi lia pa jij samua cara pake itu tali mamudung yang ada pa jij pe pinggang,
deng itu baju voor batobo , en masker oksigen kalu ngoni pe napas mulai hosa.

Supaya jij boleh selamet, coba lia koa kamari bagemana cara pasang itu
sabuk yang balingkar di jij pe pinggang,, cara kunci supaya nyanda talapas,
bekeng kencang deng, bagaimana mo buka nanti.

Itu baju batobo di bawah kursi jij dudu akang, jangan dulu pake
kecuali nanti waktu Om Kapten so undang batobo pa torang rame-rame. eit
jangan lupa, itu barang jangan jij kase pindah neh, apalagi dibawa pulang vor pajangan salon atau dekorasi souvenir ruang tamu tanda jij so pernah terbang,
kalu ikke riki, ikke nanti tampar kiri kanang, muka belakang, deng atas
bawah, mangarti?

De pe cara pake , itu baju kase lingkar di leher jij, awas jang talalu
kencang komang, nanti jij susa banapas, boleh flau, kong bekeng tasibu
pa torang musti bekeng pernapasan tiup ngoni pe mulu, idiiih, jadi
ati-ati jo, neh!
supaya boleh timbul diair, hela itu knop warna merah jambu bol, atau
bole juga tiup de pe pipa, supaya boleh timbul di air., Kong inga
musti tunggu sampe so kaluar dari jandela darurat, baru boleh bekeng dia
tabuka, dari kalu nyanda ngoni nanti ta prop di itu jandela atau pintu,
bekeng pusing pa torang, kong boleh sampe kriting tong pe tangan nanti
mo bahela pa ngoni macet di pintu, komang.
oh yaa, amper lupa itu floit boleh ngoni pake baramaeng prit-pritan
supaya jangan fastiu kalu so batobo diair.

eh, asal jij samua tau ya, ini pesawat ada dua de pe pintu darurat di
muka ada dua, ada dua di belakang, deng ada dua lagi jendela darurat di tengah-tengah.jadi waktu kaluar nanti nyanda perlu baku rebe rupa burung camar baku
rampas roti di pante waktu ada bapiknik, musti holopis rupa bebe atau
bifi babaris bagitu, alias antri satu lein.

kalu nanti tiba-tiba napas hosa bukang lantaran itu rim dipinggang
talalu kancang, atau lantaran salah pasang itu baju batobo, masker
oksigen akan ciri dari atas kepala jij, no hela jo padia kong pasang
diidong en banapas rupa biasa. Kalu ada anak kacili, jij yang so lebe
tuwer tolong kase pake pa anak dulu baru pake sandiri, oops so salah,
tabubale komaling, musti jij dulu pasang baru kase pasang pa itu kodomo zeg!

kartu gambar petunjuk vor ke selamatan ada di popoji kursi di muka
dimana jij ada duduk, jangan ambe birman punya, jang ngoni baku cakar
komang, deng baca bae-bae kong hafal mati pa dia.

Noh, bagitu jo dulu, broer deng zus!
 

20 comments:

  1. lucu, lucu... walau gak semua ngerti tapi kira2 nangkep sih hehehe...

    ReplyDelete
  2. hahahahahaaaaaaaaaaaaaaaaaaaaaaaaaa

    ReplyDelete
  3. kapanjangan jo ... tapi tetap mangarti lahhhh ..... =))

    ReplyDelete
  4. emang simpati okeh.....kemana-mana nyampe :))

    ReplyDelete
  5. nah ini contoh yg so kna roominggggg....meski so jauh di palembang....!

    ReplyDelete
  6. huahuahuahua...... dasar si oom... ada2 aja ngana!!

    ReplyDelete
  7. sebetulnya judulnya harus diganti jo .... bukan manado airlines, tapi sumendap airways .... hahaha =)))

    *** eh masih terbang gak ya? ***

    ReplyDelete
  8. so nya ada...baganti deng tumion airwaybill =))

    ReplyDelete
  9. Oom nyanda senang.. oom tendang noh...

    ReplyDelete
  10. jadi oom... tu bendera oranje di rumah so gulung dang...hihaaaaa peace.....

    ReplyDelete
  11. tadi pagi kirain ada yang ngajak berantem...kirim SMS marah2...ternyata teman ngamuk...semua tim andalannya TUMBANG..hahahhaa...Papa aja nga berani ke kantor BELANDA ama ITALYnya tumbang...hahhaa

    ReplyDelete
  12. tumion-nya sudah tidak terbang lagi jo .... masih belajar hukum di cipinang ....

    sumendap airways = bouraq om .... om john sumendap .... hehehehe :)

    ReplyDelete
  13. smangat dia blajar mo sampe s3 di blg...

    ReplyDelete